Kvöld­fréttir í heild sinni

Við ræðum einnig við sendiherra Íslands í Madrid en spænsk-íslensk hjón þurftu að flýja heimili sitt vegna skógarelda. Eldarnir hafa valdið miklu tjóni á Spáni, Ítalíu og Frakklandi.

Þá skoðum við hvíta mistrið sem legið hefur yfir höfuðborginni í dag. Talið er að um reyk frá skógareldum í Kanada sé að ræða og mistrið gæti skyggt á sólina í kvöld.

Við fjöllum einnig um stóraukna umferð netþjarka á samfélagsmiðlum í aðdraganda þjóðaratkvæðagreiðslu um aðildarviðræður við Evrópusambandið. Loks ræðum við íslenskan sérfræðing um bandaríska gervigreind sem gerði netárás á annað fyrirtæki að eigin frumkvæði.

Þetta og fleira í kvöldfréttum á samtengdum rásum Sýnar, Bylgjunnar og Vísis klukkan hálf sjö.