Handbolti

Sárt tap fyrir Króatíu

Ingvi Þór Sæmundsson skrifar
Íslensku strákarnir misstu niður gott forskot á lokakaflanum gegn Króatíu.
Íslensku strákarnir misstu niður gott forskot á lokakaflanum gegn Króatíu. hsí

Íslenska karlalandsliðið í handbolta skipað leikmönnum tuttugu ára og yngri tapaði með minnsta mun fyrir Króatíu, 25-26, í fyrsta leik sínum í milliriðli á Evrópumótinu í Rúmeníu í dag.

Stefán Magni Hjartarson jafnaði metin í 25-25 en Króatar skoruðu síðasta mark leiksins og tryggðu sér sigurinn.

Ísland er því án stiga í milliriðli II en Króatía er með tvö stig líkt og Danmörk og Spánn sem mætast seinna í dag.

Eyjamaðurinn Andri Erlingsson var markahæstur í íslenska liðinu í dag með sex mörk. Ágúst Guðmundsson og Elís Þór Aðalsteinsson skoruðu fjögur mörk hvor. Alexander Ásgrímsson varði tólf skot í íslenska markinu (32 prósent).

Ísland var marki yfir í hálfleik, 13-12, og komst fjórum mörkum yfir, 21-17, þegar tólf mínútur voru til leiksloka.

Þá seig á ógæfuhliðina, Króatía skoraði sex mörk gegn tveimur og jafnaði í 23-23. Króatar komust þrívegis yfir á lokakaflanum, Íslendingar jöfnuðu tvisvar en tíminn var ekki nægur í síðasta skiptið.

Næsti leikur Íslands er gegn Danmörku klukkan 14:00 á morgun.

Landslið karla í handbolta

Mest lesið


Fleiri fréttir

Sjá meira


×

Mest lesið