Rútuslys, umferðarhnútar og afbókanir í al­myrkva

Einn sakborninganna í Gufunesmálinu afplánar það sem eftir er dóms síns utan fangelsis á áfangaheimilinu Vernd. Að meðtöldu gæsluvarðhaldi frá mars 2025 hefur hann setið rúmlega ár af þeim tólf ára dómi sem hann hlaut í Landsrétti í maí.

Fjölmennir ferðamannahópar hafa að undanförnu afbókað gistingu fyrir vestan, þar sem þeir ætluðu að dvelja til að upplifa almyrkva á sólu um miðjan ágúst. Starfsmann Vestfjarðarstofu grunar að ferðaskrifstofur hafi frátekið gistingu í fleiri en einu landi sem eru á almyrkvaslóðum og séu nú að taka ákvörðun; af eða á.

Gönguljós á Miklubraut, tafir við Bústaðaveg og Reykjanesbraut og möguleg stórframkvæmd við Kaplakrika eru meðal umferðarhnúta sem Atli Björn Levý hjá Betri samgöngum segir að þurfi að leysa með stærri heildarmynd í huga.

Þetta og fleira í hádegisfréttum Bylgjunnar klukkan tólf.