Missir stöðu sína sem eini billjóna­mæringur heims

Greint var frá því fyrr í mánuðinum að auðævi hans væru metin á 1,11 billjónir dala – um 138 billjónir íslenskra króna – eftir að hlutabréf í fyrirtæki hans SpaceX ruku upp við stærstu útgáfu hlutabréfa í sögunni.

Í frétt BBC segir að við lok markaða í gær hafi auðævi hans verið metin á 957 milljarða dala. Lækkunin er rakin til þess að bréf í Space X og Tesla – þar sem Musk á stærstan hlut – hafi lækkað ásamt gengi bréfa annarra tæknifyrirtækja í kjölfar efasemda fjárfesta um arðbærni gervigreindar til lengri tíma.

Þrátt fyrir þessa lækkun er Musk enn ríkasti maður heims.

Geimferðafyrirtækið hans var skráð á Nasdaq-verðbréfamarkaðinn þann 14. júní síðastliðinn með verðmat upp á 2,2 billjónir dala. Hluturinn var gefinn út á 135 dali hver en fyrstu kaup voru á 150 dali og verðið náði um stutta stund 176,50 dölum. Þegar markaðir lokuðu var hluturinn á 161 Bandaríkjadal.