Leið Ís­lands í umspili fyrir HM í Brasilíu orðin ljós

Þetta varð ljóst núna í morgun en takist Íslandi að slá út Króatíu Í tveggja leikja einvígi bíður Stelpnanna okkar úrslitaeinvígi við Norður-Írlandi eða Portúgal um sæti á HM

Fyrri umferðin verður leikin dagana 7.-13. október og sú seinni 26. nóvember - 5. desember.

Ísland kemur inn í umspilið úr A-deild, þar sem 16 bestu þjóðirnar spila, og fær því í báðum umspilseinvígum sínum að spila seinni leikinn heima á Laugardalsvelli.

Ef litið er á heimslista FIFA er Ísland betur sett heldur en mögulegir andstæðingar liðsins í umspilinu.

Ísland vermir 17.sæti heimslistans, Portúgal 22.sæti, Norður-Írland 50.sæti og Króatía 63.sæti. 

Með því að vinna tvö umspilseinvígi í haust kemst Ísland á HM í fyrsta sinn.

Belgía, sem spilar undir stjórn Elísabetar Gunnarsdóttur mun mæta Póllandi í fyrri umferð umspilsins.