Allt í bál og brand í For­múlu 1

Í síðustu viku var tímarefsing, sem Pierre Gasly ökuþór Alpine fékk í keppninni fyrir að aka of hratt á þjónustusvæði brautarinnar, dregin til baka og varð það til þess að hann færðist nokkur sæti upp listann og endaði í þriðja sæti keppninnar. 

Alls voru fjórir ökuþórar sem fengu sömu refsingu og Gasly í keppninni en aðeins Alpine áfrýjaði þeirri refsingu og fékk sínu framgengt. 

Nú telja lið McLaren og Red Bul Racing að með þessu sé á þeim brotið. McLaren hefur ákveðið að áfrýja þeirri niðurstöðu að refsing Gasly hafi verið afturkölluð og þá ætlar Red Bull Racing einnig að gera slíkt hið sama. 

Bæði lið töpuðu á því að Gasly færðist upp listann. Þá einna helst Isack Hadjar, ökuþór Red Bull Racing sem endaði upphaflega í þriðja sæti keppninar og stóð á verðlaunapallinum í Mónakó.

Þá er ekki loku fyrir það skotið að Mercedes áfrýji einnig niðurstöðunni.