Bogi Nils í beinni, ó­venju­legt saka­mál, og Tiktok-ömmur

Afbrotafræðingur segir ekki óvenjulegt að sakborningur í Edition málinu svokallaða gangi laus þrátt fyrir hrottafengnar lýsingar á málsatvikum. Við förum yfir málið sem er nú til meðferðar í Héraðsdómi Reykjavíkur.

Borgarstjórn hefur samþykkt að taka upp símafrí í grunnskólum í Reykjavík. Við hittum foreldri sem fagnar og formann Kennarasambandsins sem hefur áhyggjur af framkvæmdinni.

Þá fer Kristján Már Unnarsson í Vatnsdal þar sem til stendur að fara í miklar vegabætur og við hittum konur á sjötugsaldri sem hafa slegið í gegn á Tiktok.

Auk þess verðum við í beinni útsendingu frá Akureyri þar sem fyrrverandi nemendur við Menntaskólann á Akureyri eru að skemmta sér og einnig í beinni frá Víkinni þar sem stórleikur Víkings og KR fer fram í kvöld.

Í Íslandi í dag hittir Vala Matt þær Andreu og Svönu sem nota blóm á óvenjulegan en þó ólíkan hátt í sinni hönnun.

Þetta og margt fleira á samtengdum rásum Vísis, Sýnar og Bylgjunnar klukkan 18:30.