Amorim tekur við AC Milan

Frá þessu greinir meðal annars ítalski félagsskiptafréttamaðurinn Fabrizio Romano sem segir að munnlegt samkomulag sé í höfn um samning til næstu tveggja ára, með möguleika á árs framlengingu.

Amorim hefur verið atvinnulaus síðan hann var rekinn frá United í janúar eftir erfiða fjórtán mánuði í starfi. Hann mun nú stýra Milan í æfingaleik gegn United í Wroclaw í Póllandi þann 15. ágúst, viku áður en enska úrvalsdeildin hefst.

Amorim tekur við Milan af Massimiliano Allegri sem var rekinn í maí eftir að hafa mistekist að stýra liðinu til sætis í Meistaradeild Evrópu.

AC Milan var með níu stiga forskot á fimmta sætið þegar liðið sigraði erkifjendurna í Internazionale í mars, en vann síðan aðeins þrjá af síðustu 10 leikjum sínum, fékk 10 stig og endaði að lokum stigi á eftir Como, sem hreppti síðasta Meistaradeildarsætið á lokadegi tímabilsins í ítölsku A-deildinni.

Auk Amorims höfðu Mauricio Pochettino, landsliðsþjálfari Bandaríkjanna, og Oliver Glasner sem hættur er með Sambandsdeildarmeistara Crystal Palace, verið orðaðir við Milan.