Innlent

Eldar í grillum og kveikt í rusla­gámi

Hólmfríður Gísladóttir skrifar
Tvær tilkynningar bárust í gærkvöldi um eld í grilli.
Tvær tilkynningar bárust í gærkvöldi um eld í grilli. Getty

Viðbragðsaðilum bárust tvær tilkynningar í gærkvöldi um eld í grilli en í báðum tilvikum gekk greiðlega að slökkva og tjón var annað hvort ekkert eða minniháttar. Þá var tilkynnt um eld í ruslageymslu en þar leikur grunur á að um íkveikju hafi verið að ræða og er málið í rannsókn.

Frá þessu er greint í yfirliti lögreglu yfir verkefni næturinnar.

Lögreglu bárust einnig tilkynningar um þjófnað úr matvöruverslun og um að aðila í leyfisleysi á athafnasvæði fyrirtækis. Bæði mál eru í rannsókn.

Þá var nokkur fjöldi ökumanna stöðvaður í umferðinni.

Fimm reyndust undir áhrifum og þrír sektaðir fyrir akstur án ökuréttinda. Þá var einn stöðvaður fyrir að aka á negldum dekkjum og einn sviptur til bráðabirgða fyrir að aka á 112 km/klst þar sem hámarkshraði er 50 km/klst.

Veist þú meira um málið? Við tökum á móti ábendingum af öllu tagi á ritstjorn@visir.is. Fullum trúnaði er heitið.

Lögreglumál

Mest lesið


Fleiri fréttir

Sjá meira


×

Mest lesið