Sigurður Egill með tvennu í sigri Þróttar

Toppbaráttan í Lengjudeildinni er hörð. Fylkismenn eru enn með 15 stig eftir tapið í dag, jafnir HK. Þróttarar eru nú með 16 stig, jafnir Aftureldingu í 2. sætinu en á toppnum með betri markatölu.

Sigur Þróttar gegn Fylki í dag var öruggur. Gestirnir náðu 3-0 forystu í Árbænum en Theodór Ingi Óskarsson minnkaði muninn fyrir heimamenn undir lokin.

Sigurður Egill skoraði fyrsta mark Þróttar um miðjan fyrri hálfleik og bætti síðan öðru marki við í upphafi seinni hálfleiks. Hann átti síðan fyrirgjöf úr aukaspyrnu sem leiddi til þriðja marks Þróttar. Magnús Ingi Þórðarson kom boltanum þar í netið eftir klafs í teignum.

Sigurður Egill er nú kominn með 4 mörk í 8 leikjum í sumar. Aðeins þrír leikmenn hafa skorað meira í Lengjudeildinni; Örn Bragi Hinriksson og Óðinn Bjarkason hafa skorað 5 mörk og Dominik Radic er markahæstur með 6 mörk.