Hópuppsögn hjá Rapyd á Íslandi

Oddur Ævar Gunnarsson skrifar 28. maí 2026 12:58

Um fjörutíu manns hefur verið sagt upp hjá Rapyd á Íslandi. Ástæðan eru skipulagsbreytingar á alþjóðavísu en gervigreind á að leysa af hólmi fjölda starfsmanna, miðað við bréf forstjóra alþjóðasamsteypunnar til starfsmanna.

Þetta herma heimildir fréttastofu. Garðar Stefánsson forstjóri Rapyd á Íslandi segir í skriflegu svari til Vísis að í dag hafi verið gerðar skipulagsbreytingar hjá Rapyd á alþjóðavísu.

„Samhliða alþjóðlegum framförum í gervigreind og sjálfvirknivæðingu, verður Rapyd áfram skuldbundið íslenska markaðnum. Á Íslandi erum við með einstaklega öflugan hóp, rúmlega 120 starfsmenn, sem munu áfram stýra, byggja upp og þróa nýjar fjártæknilausnir fyrir okkar mikilvægu innlendu viðskiptavini sem og þau alþjóðlegu fyrirtæki sem við þjónustum. Undir þessu nýja og nútímavædda rekstrarlíkani munu viðskiptavinir okkar njóta góðs af nýjum lausnum, hraðari innleiðingu og meira rekstraröryggi.“

Garðar segist ennfremur ekki ætla að tjá sig frekar að svo stöddu og þá ekki um fjölda starfsmanna sem sagt var upp.

Rapyd nú fyrirtæki gervigreindar

Í bréfi Arik Shtilman forstjóra Rapyd á heimsvísu til starfsmanna, meðal annars hér á landi, sem Vísir hefur undir höndum eru breytingarnar raktar til innleiðingar á gervigreind. Boðar hann til starfsmannafundar 2. júní vegna málsins. Það sé ekki markmið fyrirtækisins að vera rekið af gervigreind, það sé veruleiki dagsins í dag.

„Með því að innleiða gervigreind sem miðlægt kerfi sem stýrir alþjóðlegri starfsemi okkar höfum við gjörbreytt því hvernig verk eru unnin. Þessi þróun gerir okkur kleift að starfa hraðar, auka nákvæmni og skila betri árangri fyrir viðskiptavini okkar á sama tíma og við vöxum hratt og með hagnaði.“

Arik Shtilman, forstjóri og stofnandi Rapyd.

Hann segir að staða Rapyd sé sterk, fyrirtækið sé arðbært. Staða Rapyd er sterk. Fyrirtækið er vaxandi og arðbært. Stjórnendur séu að taka meðvitaða ákvörðun um að endurúthluta fjármunum í í gervigreind sem muni knýja áfram næsta vaxtarskeið fyrirtækisins.

„Starfsfólki sem verður fyrir áhrifum verður tilkynnt um það í dag. Þessar ákvarðanir endurspegla ekki hæfileika þeirra eða framlag og við erum staðráðin í að styðja þau af virðingu í gegnum þessar breytingar. Til ykkar sem eftir eruð, þá geri ég mér grein fyrir að þetta skapar óvissu. Stefna okkar er hins vegar skýr. Við erum að byggja upp skilvirkustu vélina í fjártækni, sameinað, gervigreindardrifið fyrirtæki sem er í stakk búið til að stækka og sigra.“

Bréf Arik Shtilman á upprunalegu tungumáli, ensku:

Team,

Today we are restructuring Rapyd to align with a fundamental shift in our business model: Rapyd is now a company operated by AI.

This is not a future goal; it is our current reality. By embedding AI as the centralized system that runs our global operations, we have fundamentally changed how work gets done. This evolution allows us to operate faster, improve accuracy, and deliver better outcomes for our customers while growing rapidly and profitably.

Rapyd is in a strong position. The company is growing and profitable. We are making a deliberate choice to reallocate our resources into our platform capabilities and AI investments that will drive our next phase of growth.

Impacted employees are being notified today. These decisions are not a reflection of their talent or contributions, and we are committed to supporting them through this transition with respect.

For those remaining, I recognize this creates uncertainty. Our direction, however, is clear. We are building the most efficient engine in fintech - a unified, AI-driven organization equipped to scale and win.

We will hold a company-wide town hall Tuesday, June 2 to discuss what comes next.

Arik

Vinnumarkaður Greiðslumiðlun Gervigreind

Mest lesið

Fleiri fréttir