Russell á ráspól í Kanada

George Russell heldur góðu dagsformi áfram eftir sigur í sprettkeppni fyrr í dag og náði einnig ráspól fyrir kappaksturinn á morgun.

Liðsfélagi hans Kimi Antonelli var sjö tíundu hlutum úr sekúndu á eftir honum og mátti því engu muna milli þeirra tveggja. McLaren-ökumennirnir Lando Norris og Oscar Piastri byrja keppnina á morgun í þriðja og fjórða sæti.

Talsverður hiti er í búðum Mercedes eftir að Russell og Antonelli börðust harkalega á brautinni í sprettkeppninni fyrr í dag. Antonelli fannst Russell keyra of glannalega og gaf í skyn að hann ætlar ekki að láta undan í kappakstrinum á morgun.

Antonelli er sem stendur í fyrsta sæti heimsmeistarakeppni ökumanna, aðeins átján stigum á undan liðsfélaga sínum.

Kanadíski kappaksturinn verður sýndur í beinni útsendingu á Sýn Sport Viaplay klukkan hálf átta.