Hópurinn gegn Spáni og Úkraínu: Helmingslíkur á að Sveindís spili

Sindri Sverrisson skrifar 21. maí 2026 13:10

Sveindís Jane Jónsdóttir er á sínum stað í landsliðshópnum. Getty/Molly Darlington

Þorsteinn Halldórsson gerir engar breytingar á landsliðshópi sínum frá síðustu leikjum, fyrir komandi leiki við Úkraínu og heimsmeistara Spánar í undankeppni HM í Brasilíu 2027.

Sveindís Jane Jónsdóttir er því í hópnum þrátt fyrir að hafa misst af síðustu tveimur leikjum Angel City vegna meiðsla.

Á blaðamannafundi í dag sagði Þorsteinn þó að Sveindís væri að glíma við meiðsli í il og að ákvörðun yrði tekin síðar um hvort hún yrði með í leikjunum. Hann sagði helmingslíkur á að Sveindís gæti spilað.

Ísland mætir Úkraínu í Póllandi föstudaginn 5. júní kl. 16 og svo koma heimsmeistararnir á Laugardalsvöll þriðjudaginn 9. júní kl. 19.

Um er að ræða síðustu tvo leikina í undankeppninni og er Ísland með þrjú stig í 3. sæti, eftir 1-0 sigurinn á heimavelli gegn Úkraínu í síðasta mánuði.

England er efst í riðli Íslands með 12 stig, Spánn er með 9, Ísland 3 en Úkraína 0 stig. Efsta liðið kemst beint á HM en hin þrjú fara í umspil. Umspilsleiðin fyrir neðsta liðið er þó mun torfærari en fyrir liðin í 2. og 3. sæti og því gulls ígildi fyrir Ísland að halda Úkraínu fyrir neðan sig.

Hópurinn gegn Úkraínu og Spáni: