Lífið

Fyrr­verandi þing­maður selur í Laugar­dalnum

Magnús Jochum Pálsson skrifar
Flottur garður fylgir íbúðinni ásamt aukaíbúð í bílskúr á lóðinni.
Flottur garður fylgir íbúðinni ásamt aukaíbúð í bílskúr á lóðinni. Remax

Jódís Skúladóttir, fyrrverandi þingmaður Vinstri grænna, hefur sett íbúð sína að Dalbraut 3 í Laugarnesinu á sölu. Um er að ræða fimm svefnherbergja íbúð með aukaíbúð í bílskúr á lóðinni. Alls telur eignin 268,7 fermetra og ásett verð er 139,9 milljónir króna.

Íbúðin er á annarri hæð í húsi sem var byggt árið 1956 og gengið er inn í sameiginlegt anddyri að aftan. 

Eignin telur alls níu herbergi, sjö í aðalíbúðinni og tvö í aukaíbúð, þá fylgja tvö einkabílastæði íbúðinni á lóð fyrir framan bílskúrinn og einnig eru bílastæði við gafl hússins sem tilheyra íbúum þess.

Gengið er inn í forstofu og tekur við af henni stórt alrými með setustofu, eldhúsi og bjartri borðstofu.Remax

„Búið er að endurnýja íbúðina með fallegum innréttingum frá HTH, fiskibeinsparketi og flísum á hluta af gólfi. Einstaklega stór og björt rými einkenna íbúðina með góðum gluggum í þrjár áttir,“ segir í lýsing íbúðarnnar á fasteignavef Vísis.

Aðalíbúðin samanstendur af forstofu, samliggjandi setustofu, borðstofu og eldhúsi, aukastofurými, baðherbergi og fimm svefnherbergjum. 

Aukaíbúðin samanstendur af forstofu, alrými með eldhúsi og borðstofu, baðherbergi og svefnherbergi. Geymsla fyrir eignina er í hluta bílskúrsins og þvottaherbergi er í sameign á jarðhæð.

Fasteignamarkaður Reykjavík Tímamót

Tengdar fréttir

Eignaðist barn 14 ára: „Ég hafði misst röddina og hugrekkið til að tjá mig“

Jódís Skúladóttir, þingmaður Vinstri grænna, var aðeins fjórtán ára gömul þegar hún eignaðist sitt fyrsta barn. Hún hélt óléttunni leyndri í tæpa sjö mánuði og segist ekki hafa haft neinn þroska til að ráða við aðstæðurnar. Í dag sé hún þakklát fyrir að hún og sonur hennar hafi komist í gegnum þetta lifandi. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.