Rodgers stefni á að spila 22. tíma­bilið

ESPN greinir frá eftir heimildum og segir fjórfalda MVP verðlaunahafann fá 25 milljónir dollara fyrir árið hjá Pittsburg Steelers.

Rodgers er orðinn 42 ára og hefur þar með eytt helmingi ævi sinnar í NFL deildinni. Ef hann skrifar undir hjá Steelers eins og búist er við verður það hans 22. tímabil í deildinni.

Rodgers átti frekar sveiflukennt fyrsta tímabil hjá Steelers í fyrra. Hann kastaði fyrir 24 snertimörkum, samanlagt 3.322 stikur. Liðið féll svo úr leik í fyrstu umferð úrslitakeppninnar gegn Houston Texans en þar átti Rodgers sína verstu frammistöðu á ferlinum í úrslitakeppni.

Frægastur er Rodgers fyrir tíma sinn hjá Green Bay Packers en þar spilaði hann í sautján ár og vann Ofurskálina.