Látinn að­eins 29 ára

Memphis Grizzlies tilkynntu um andlát Clarke í kvöld en orsök andláts fylgdi ekki sögunni. Í yfirlýsingu Memphis segir að mikil sorg sé vegna hörmulegs fráfalls Clarke.

„Brandon var framúrskarandi liðsfélagi og enn betri manneskja sem hafði áhrif á félagið sem og samfélagið í Memphis,“ sagði liðið.

Priority Sports, umboðsskrifstofa Clarke, sagði í yfirlýsingu að það væri „ómögulegt að lýsa með orðum hversu mikið hans verður saknað“.

Clarke var tekinn inn í NBA-deildina af Oklahoma City Thunder í nýliðavalinu árið 2019 og var skipt til Memphis tveimur vikum síðar. Hann hefur spilað þar allan sinn feril í deildinni.

Hann var öflugur á sínu fyrsta ári, var valinn í nýliðalið árins og fjórði í vali á nýliða ársins tímabilið 2019-20 sem var stytt vegna Covid-faraldursins.

Hann var í kjölfarið sjötti maður Memphis, fyrsti maður inn af bekk, og lagði mikið á vogarskálarnar hjá liðinu. Hann skrifaði undir fjögurra ára 52 milljón dala samning við félagið árið 2022 en meiðsli hafa strítt honum síðan.

Hann sleit hásin í mars 2023 og lék aðeins sex leiki tímabilið á eftir. Hann lék 64 leiki veturinn 2024 til 2025 en á yfirstandandi leiktíð tókst Clarke aðeins að spila tvö leiki vegna meiðsla í kálfa og hné.