Litlu munaði að illa færi er Bill Clinton birtist ó­vænt

Clinton og Jerry Jones, eigandi Dallas Cowboys, eru vinir frá æskuárum þeirra í Arkansas í Bandaríkjunum. Jones sá Clinton ganga inn í fundarherbergið á meðan að blaðamannafundur Cowboys var í gangi.

„Þarna kemur forsetinn okkar, Clinton, hann ætlar að koma að heilsa upp á okkur,“ sagði Jerry en litlu mátti muna að hann dytti þegar hann ætlaði að heilsa upp á vin sinn. 

Bill Clinton nýtti tækifærið fyrir framan fjölmiðlafólkið sem samankomið á blaðamannafundinum til þess að segja frá árum Jerry Jones sem leikmanni Razorbacks en hann var hluti af meistaraliði liðsins árið 1960. 

Jones sagði það klárt að þessi blaðamannafundur Cowboys væri sá stærsti sem haldinn væri þessa dagana í NFL-deildinni, það sökum óvæntrar heimsóknar Clinton. 

Nýliðaval NFL deildarinnar fyrir komandi tímabil fer fram á morgun. Dallas Cowboys er með tólfta valrétt í þessu nýliðavali.