Átta börn látin eftir skot­á­rás

Klukkan sex í morgun að staðartíma barst lögreglunni í Shreveport tilkynning um óeirðir á heimili. Samkvæmt Christopher Bordelon, talsmanni lögreglunnar, var vettvangur árásarinnar þrjú heimili í grennd við hvert annað.

Alls voru tíu manns skotnir og létust átta þeirra, börn á aldrinum eins árs til fjórtán ára. Nokkur barnanna voru ættingjar mannsins sem grunaður er um árásina.

„Grunaður árásarmaður rændi bíl skammt frá vettvangi og þá fóru lögreglumenn frá Shreveport í eftirför,“ sagði Bordelon samkvæmt NBC. Lögreglan skaut í átt að árásarmanninum og var hann drepinn.

„Við teljum hann vera einstaklinginn sem skaut úr byssunum.“