Botn­langinn fjar­lægður úr Embiid

Embiid kvartaði undan slappleika fyrr í dag og var sendur í læknisrannsóknir þar sem botnlangakast kom í ljós.

Hann missir hið minnsta af leiknum í kvöld gegn Houston Rockets en 76ers hafa ekki sagt hversu lengi hann verður frá.

Þrír leikir eru eftir af tímabilinu, gegn Rockets og Indiana Pacers á útivelli áður en tímabilið endar á heimavelli gegn Milwaukee Bucks.

Allt er enn opið fyrir 76ers, sem eru með 43-36 sigurhlutfall og munu enda einhvers staðar milli 5. og 10 sætis í Austurdeildinni. Sæti í úrslitakeppninni er því ekki tryggt en í versta falli fara þeir í umspilið.

Ljóst er þó að liðið mun sakna næst stigahæsta leikmannsins. Embiid hefur skorað 26.9 stig, gefið 3.9 stoðsendingar og gripið 7.7 fráköst að meðaltali í leik.