Goð­sögn fallin frá

Skilyrði útboðs Vegagerðarinnar um að flugvél með jafnþrýstibúnaði þyrfti í Ísafjarðarflug útilokaði Norlandair frá því að geta boðið í flugleiðina. Kristján Már Unnarsson segir nánar frá þessu í kvöldfréttum.

Umsvifamiklir veitingamenn segja núverandi bílastæðafyrirkomulag fæla fólk frá miðborginni. Þeir vilja að gjaldskylda verði felld niður á kvöldin og um helgar og segja að ekki eigi að loka bílastæðum án þess að eitthvað nytsamlegt komi í staðinn. Við fjöllum um málið.

Þá verðum við með áhugaverða frétt þar sem við hittum ljósmóður sem segir fjölda íslenskra kvenna sem fæði barn á bakinu koma á óvar. Stellingin henti læknum frekar en konum og eigi vinsældir sínar að rekja til sjónvarpsþátta og kvikmynda.

Auk þess kynnum við okkur nýja landsstjórn í Færeyjum og við verðum í beinni með tenórum sem safna fyrir Bryndísarhlíð.

Þá hittum við Sveindísi Jane á æfingu fyrir komandi landsleiki og í Íslandi í dag heyrir Sindri Sindrason einlæga frásögn séra Jónu sem hefur barist við krabbamein og segist ekki hafa verið tilbúin að hitta guð sinn.

Þetta og margt fleira á samtengdum rásum Sýnar, Vísis og Bylgjunnar klukkan 18:30.