Fer frá Sel­fossi til Sví­þjóðar

Carlos Martin Santos, þjálfari meistaraflokks karla á Selfossi, er sagður verða næsti þjálfari sænska handboltaliðsins Aranäs.

Sportbladet sagði áður frá því að b-deildarlið Aranäs myndi missa þjálfara sinn, Magnus Siglev, til OV Helsingborg en hefur nú líka greint frá því að félagið hafi fundið eftirmann hans.

Samkvæmt frétt blaðsins hefur Aranäs gengið frá samningi við Spánverjann Carlos Martin Santos.

Þessi 37 ára gamli þjálfari hefur verið þjálfari á Íslandi í nokkur ár og stýrir nú nýliðum Selfoss í úrvalsdeildinni, en hann kom liðinu einnig upp í efstu deild á síðasta tímabili.

Santos hafði áður starfað á Ísafirði og kom fyrst á Selfoss sem aðstoðarþjálfari en tók svo við liðinu.

Fyrir síðustu umferð efstu deildar á fimmtudag er ljóst að Aranäs missir af umspili um sæti í úrvalsdeildinni og endar í fimmta sæti í sænsku B-deildinni.

Selfoss endaði í tíunda sæti í Olís-deild karla í vetur, vann 5 af 22 leikjum og hélt sæti sínu í deildinni.