Leggja til að Líbanon viður­kenni Ísrael sem ríki

Bandaríski fjölmiðillinn Axios greinir frá þessu með vísan til þiggja heimildarmanna sem þekkja til málsins. Líbanska ríkisstjórnin er sögð hafa samþykkt þessa tillögu, sem gæti verið til þess fallin að binda enda á átök milli hryðjuverkasamtakanna Hezbolla og Ísraels. Bandaríkin og Ísrael hafa tillögurnar enn til skoðunar, að sögn miðilsins.

Síðustu tvær vikur hafa Ísraelsmenn gert árásir á fjölda skotmarka sem þeir segja tengjast Hezbolla og gefið enn frekar í eftir að Íranir og Hezbollah gerðu samræmdar og umfangsmiklar árásir á Ísrael á miðvikudag. Um 800 manns hafa fallið og meira en 850.000 manns hafa þurft að flýja heimili sín, að sögn AP.

Allsherjarstríð braust aftur út milli Ísraelsrí og Hezbolla hinn 2. mars eftir að Hezbolla-liðar gerðu árás á Ísrael eftir dráp Ísraelsmanna á Ayatollah Ali Khameni, æðstaklerks Írans. 

Íranska klerkastjórnin hefur í gegnum tíðina stutt við Hezbolla-samtökin, sem stýra nú suðurhluta Líbanon. Hezbolla sögðust reyndar vera að verjast ítrekuðum árásum sem Ísraelsmenn hafa gert á Líbanon þrátt fyrir að vopnahlé hafði staðið yfir.

Að sögn ísraelksra og bandarískra ráðamanna hyggjst Ísraelher stórauka aðgerðir sínar á jörðu niðri í Líbanon, sem yrði til þess að að leggja undir sig allt svæðið við Litani-fljót og leysa upp hernaðarinnviði Hezbolla.

Þetta gæti reynst stærsta landinnrás sem Ísraelsmenn hafa gert Líbanon síðan 2006.

„Við ætlum að gera það sem við gerðum á Gasa,“ hefur Axios eftir ónafngreindu ísraelskum ráðamanni, sem vísar til þess að herinn ætlli að jafna þau hús við jörðu sem Ísraelsmenn telja að Hezbolla geymi vopn og haldi úti hernaði.

Emmanuel Macron Frakklandsforseti lagði til að Ísraelsmenn og Líbanon funduðu í París um hugsanlegan frið og að Frakkar yrðu milligöngumenn.

Tillaga franskra stjórnvalda kveður á um að Ísrael og Líbanon opni á viðræður, með stuðningi Frakka og Bandaríkjamanna, til þess að komast saman um „pólitíska yfirlýsingu“ innan við næsta mánuð, að sögn Axios.

Heimildarmenn Axios segja að yfirlýsingin fæli í sér að Líbanon myndi viðurkenna Ísrael sem ríki og virða fullveldi og landamæri Ísraels. Þá myndu ríkin undirstrika samþykkt öryggisráðs Sameinuðu þjóðana númer 1701 sem batt enda á stríðið árði 2006.

Þá myndi líbanska ríkisstjórnin leggja sig fram við að koma í veg fyrri árásir gegn Ísrael frá sínu landsvæði og innleiða sínar eigin áætlanir til þess að afvopna Hezbollah og banna starfsemi hryðjuverkasamtakanna.