Viðskipti innlent

Bjartur og Vé­steinn Örn til SFF

Atli Ísleifsson skrifar
Bjartur, til vinstri, og Vésteinn Örn.
Bjartur, til vinstri, og Vésteinn Örn. SFF

Tveir nýir starfsmenn hafa hafið störf hjá Samtökum fyrirtækja í fjármálaþjónustu, SFF, þeir Bjartur Elíasson og Vésteinn Örn Pétursson. Bjartur starfar sem lögfræðingur hjá samtökunum, en Vésteinn í stöðu sérfræðings í samskiptum, auk þess sem hann sinnir lögfræðilegum verkefnum.

Í fréttatilkynningu þess efnis segir að Bjartur komi til SFF frá lögmannsstofunni BBA//Fjeldco, en hann hafi áður starfað hjá Lögfræðistofu Reykjavíkur og í lögfræðiteymi alþjóðlega netöryggisfyrirtækisins WithSecure. Bjartur sé með meistarapróf í lögfræði frá Háskóla Íslands.

Vésteinn hafi áður starfað hjá fréttastofu Stöðvar 2, Vísis og Bylgjunnar, síðar fréttastofu Sýnar, og hafi gert frá árinu 2018 og sinnt þar fréttaflutningi á vef, í útvarpi og í sjónvarpi. Einnig hafi hann starfað sem ritstjóri Stúdentablaðsins í Háskóla Íslands veturinn 2024 til 2025. Vésteinn sé einnig með meistarapróf í lögfræði frá Háskóla Íslands.

Eftir ráðningu þeirra Bjarts og Vésteins séu starfsmenn samtakanna nú sjö talsins.

Fjármálafyrirtæki Vistaskipti


Mest lesið


Fleiri fréttir

Sjá meira


×

Mest lesið