Taylor Swift að þakka að Kelce tekur eitt tíma­bil í við­bót

Samningur hins 36 ára gamla leikmanns var útrunninn og hann sagði opinberlega að hann væri óviss um hvort hann myndi halda áfram á NFL-ferlinum. Nú hefur hann tilkynnt Chiefs að hann muni spila með þeim á komandi tímabili líka.

Kelce, sem hefur unnið þrjá NFL-titla með Chiefs, sagði að gleði poppstjörnukærustunnar Swift yfir tónlistinni sinni hafi veitt honum innblástur til að halda ferlinum áfram.

„Það væri hvetjandi fyrir hvern sem er, og ég er unnusti hennar, sem reynir að komast að því hvað framtíðin ber í skauti sér. Það hvatti mig til að segja „ég er heldur ekki búinn. Ég hef enn áform og kraft til að spila,“ sagði Travis Kelce .

Kelce er talinn vera einn besti innherji sögunnar en hann hefur ellefu sinnum verið valinn í Pro Bowl-leikinn og sjö sinnum í úrvalslið ársins, þar af fjórum sinnum í fyrsta liðið og þrisvar sinnum í annað liðið. Hann á met NFL-deildarinnar yfir flest samfelld og flest heildartímabil þar sem innherji nær yfir þúsund gripnum jördum eða sjö.