Enski boltinn

Barton á­kærður fyrir líkams­á­rás

Valur Páll Eiríksson skrifar
Barton er enn og aftur í kasti við lögin.
Barton er enn og aftur í kasti við lögin. Vísir/Getty

Fyrrum fótboltamaðurinn Joey Barton hefur verið ákærður ásamt öðrum fyrir meinta líkamsárás fyrir utan golfklúbb. Fórnarlambið er sagt í alvarlegu en stöðugu ástandi á spítala.

Barton er 43 ára gamall og fyrrum leikmaður Manchester City, Newcastle og QPR meðal annarra liða í ensku úrvalsdeildinni. Hann hefur reglulega komist í kast við lögin og vakið athygli fyrir ofbeldisfulla hegðun innan vallar sem utan.

Hann og Gary O'Grady hafa nú verið kærðir vegna meintrar líkamsárásar við Huyton og Prescot golfvöllinn í grennd við Liverpoolborg á sunnudaginn var. Samkvæmt frétt breska ríkisútvarpsins, BBC, er fórnarlambið í alvarlegu en stöðugu ástandi á spítala.

Þeir Barton og O'Grady eru í haldi lögreglu og málið verður tekið fyrir af dómstólum síðar í dag.

Enski boltinn England

Tengdar fréttir

Barton dæmdur í hálfs árs fangelsi

Joey Barton, fyrrverandi fótboltamaður, var í dag dæmdur í sex mánaða fangelsi fyrir ummæli sín um þrjá einstaklinga á samfélagsmiðlum.

Barton ákærður

Joey Barton, fyrrverandi leikmaður Manchester City, Newcastle United og fleiri liða, hefur verið ákærður fyrir að senda tveimur einstaklingum ljót skilaboð á samfélagsmiðlum.

Mest lesið


Fleiri fréttir

Sjá meira


×

Mest lesið