Fær Barbie-útgáfu af sér fyrir Íslandsleikinn

Meðal leikmanna enska liðsins er nefnilega ein af hetjum liðsins frá síðustu tveimur Evrópumeistaramótum.

Chloe Kelly tryggði enska landsliðinu Evrópumeistaratitilinn 2022 með því að skora sigurmarkið í úrslitaleiknum eftir að hafa komið inn á sem varamaður og á EM 2025 tryggði hún enska landsliðinu annað Evrópugullið aftur með því að skora úr úrslitaspyrnunni í vítakeppninni.

Kelly er nú orðin fyrsta enska knattspyrnukonan til að fá sína eigin Barbie-dúkku, en hún hlaut viðurkenningu frá Mattel í tilefni af alþjóðlegum baráttudegi kvenna.

Þessi 28 ára gamli leikmaður er hylltur fyrir að vera fyrsti leikmaðurinn til að skora tvö úrslitamörk í tveimur stórum alþjóðlegum úrslitaleikjum og fyrir að vera innblástur fyrir næstu kynslóð.

„Að fá mína eigin, einstæðu Barbie-dúkku er eitthvað sem ég er ótrúlega stolt af. Þegar ég var að alast upp dreymdi mig um að vinna titla og upplifa stórar stundir í fótbolta, en ég ímyndaði mér aldrei annars konar áfanga eins og þennan,“ sagði Chloe Kelly.

Kelly er þarna í hópi með tenniskonunni Serenu Williams, geimfaranum Kellie Gerardi, ökuþórnum Reginu Sirvent Alvarado, söngkonunni Helenu Fischer, fjallakonunni Zoju Skubis, brimbrettakonunni Stephanie Gilmore og krikkterkonunni Smriti Mandhana sem fengu líka allar Barbie-útgáfu af sér.