Þor­steinn nýr for­maður stjórnar Sam­taka iðnaðarins

Auk Þorsteins, sem er forstjóri eignarhaldsfélagsins Hornsteins, voru sex kosin ný inn í stjórnina á aðalfundinum í morgun. Ellefu framboð bárust.

Þorsteinn var þingmaður Viðreisnar frá 2016 til 2020. Hann var jafnframt félags- og jafnréttismálaráðherra í skammlífri ríkisstjórn Viðreisnar, Sjálfstæðisflokks og Bjartrar framtíðar árið 2017. Einnig var hann varaformaður Viðreisnar frá 2018 til 2020.

Áður en hann settist á þing var Þorsteinn meðal annars forstjóri BM Vallár, framkvæmdastjóri Samtaka álframleiðanda og framkvæmdastjóri Samtaka atvinnulífsins. Hann sat í stjórn Samtaka iðnaðarins frá 2004 til 2010, þar af sem varaformaður frá 2007.

Aðrir stjórnarmenn sem voru kjörnir í morgun:

Bergþóra Halldórsdóttir, Borealis Data Center

Freyr Friðriksson, KAPP

Jón Eðvald Malmquist, Eykt

Sigríður Hrefna Hrafnkelsdóttir, Nói Siríus

Sigurjón Rúnar Rafnsson, Kaupfélag Skagfirðinga

Viðar Erlingsson, EVP & CDO hjá JBT Marel

Fyrir í stjórn voru:

Hjörleifur Stefánsson, Nesraf rafverktakar

Karl Andreassen, Ístak

Sigrún Helgadóttir, Norðurál