Séra Jakob segir það vanda­mál að fólk stundi kyn­líf með öðrum af sama kyni

Embættismenn Ísraels fullyrða að sprengju hafi verið varpað á byggingu sem hýsti svokallað sérfræðingaráð klerkastjórnarinnar í Íran sem hefur það hlutverk að kjósa næsta leiðtoga landsins. Við förum þróun stríðsins í Miðausturlöndum í kvöldfréttum en ófriðarbálið er að stigmagnast og breiðast út.

Stríðsátökin hafa slæm áhrif á efnahagskerfi heimsins og er útlit fyrir að olíuverð muni hækka. Við ræðum við framkvæmdastjóra Samtaka iðnaðarins í setti um þróunina til lengri og skemmri tíma.

Verðhækkanir eru langt umfram allar spár að sögn hagfræðings hjá ASÍ. Berghildur Erla fréttamaður okkar fer á dýptina í frétt sinni um dýrtíðina sem nú ríkir.

Margir Akureyringar munu sjá eftir leigubílastöðinni sem þarf að víkja og segja að hún sé fyrir löngu orðin ein af kennileitum bæjarins. Í sportinu hitum við upp fyrir undankeppni EM í handbolta kvenna. Ísland mætir Svartfjallalandi á morgun og rýnum í góðan árangur íslenska karlalandsliðsins í körfubolta.

Í Íslandi í dag hittum við Sólveigu Eiríksdóttur heilsukokk sem reiðir fram dýrindis máltíðir fyrir skjólstæðinga meðferðarstofnunarinnar Krýsuvíkur. Þetta og fjölmargt fleira í kvöldfréttum á samtengdum rásum Sýnar, Vísis og Bylgjunnar á slaginu 18.30.