Erlent

Vaktin: Á­tökin breiðast enn út

Samúel Karl Ólason, Silja Rún Sigurbjörnsdóttir og Eiður Þór Árnason skrifa
Björgunarsveitarmenn bera lík manns úr byggingu í Beirút í Líbanon eftir loftárás Ísraela í gærkvöldi.
Björgunarsveitarmenn bera lík manns úr byggingu í Beirút í Líbanon eftir loftárás Ísraela í gærkvöldi. AP/Hussein Malla

Átökin í Mið-Austurlöndum halda áfram að breiða úr sér. Bandaríkjamenn og Ísraelar varpa enn sprengjum á skotmörk í Íran og Íranir halda áfram að svara fyrir sig með dróna- og eldflaugaárásum á nágrannaríki sín. Hezbollah lýsti í gær yfir stríði við Ísrael og gerðu Ísraelar nýja innrás í Líbanon í morgun. 

Útlit er fyrir að árásir Írana hafi aukist í gærkvöldi. Fleiri skotflaugum og drónum hefur verið skotið þaðan og á fleiri ríki en áður. Þá hafa Íranir gert umfangsmiklar árásir á Ísrael, í samfloti við Hezbollah í Líbanon.

Helstu tíðindi:

  • Rauði hálfmáninn í Íran segir að minnsta kosti 787 hafa fallið þar í landi í árásum síðustu daga.
  • Tugir eru einnig látnir í Líbanon og í öðrum ríkjum Mið-Austurlanda.
  • Ráðamenn í Íran þvertaka fyrir að til greina komi að semja við Bandaríkjamenn og heita því að berjast áfram. Ali Larijani, æðsti embættismaður Íran hvað varðar varnarmál, sagði í gærkvöldi að Donald Trump, forseti Bandaríkjanna, væri veruleikafirrtur og sagði Írani undirbúna fyrir langvarandi stríð.
  • Ríki Mið-Austurlanda hafa gengið verulega á forða sinn á flugskeytum fyrir loftvarnarkerfi til að skjóta niður dróna og eldflaugar frá Íran. Greinendur vara við því að framleiðsla anni ekki eftirspurn. Bandaríkjamenn og Ísraelar leggja sérstakt kapp á að finna skotpalla Írana og eldflaugar og granda þeim.

Fylgst er með gangi mála í Vaktinni hér að neðan. Ef hún birtist ekki er ráð að endurhlaða síðunni.

Íran Ísrael Bandaríkin Hernaður Líbanon Árásir Bandaríkjanna og Ísraels á Íran

Mest lesið


Fleiri fréttir

Sjá meira
×

Mest lesið