Skelfi­leg enda­lok á Land­spítalanum

Meirihlutinn í borginni steig fram með útspil í leikskólamálum sem hann kallar Reykjavíkurmódelið. Það er ansi tæknilegt og flókið en við ætlum að rýna það á mannamáli. Við verðum í beinni útsendingu með fulltrúa leikskólastjóra en leikskólastjórar borgarinnar funduðu í dag og eru ekki nógu ánægðir. Þá mun formaður Eflingar rýna kosti og galla nýja módelsins í beinni útsendingu.

Hríðarveður nálgast og gular viðvaranir taka brátt gildi. Við fáum góð ráð til að undirbúa okkur fyrir hvellinn í tímanum. Ár eldhestsins er gengið í garð í fyrsta sinn í 60 ár. Samkvæmt kínverskri stjörnuspeki er gott framkvæmdaár í vændum. Tómas Arnar segir okkur frá hefðum og leikreglum í tímanum.

Þá fáum við að hitta ellefu hvolpa í Landeyjum. Í sportinu heyrum við í Ísfirðingnum Örnu Sigríði sem mun brjóta blað í íþróttasögu Íslendinga þegar hún keppir á Vetrar Paralympics á Ítalíu í næsta mánuði. Í Íslandi í dag hittum við Þorstein sem kenndur er við hlaðvarpið Karlmennskuna en hann segir að „vókið“ sé ekki dautt.

Þetta og fjölmargt fleira í kvöldfréttum á samtengdum rásum Sýnar, Vísis og Bylgjunnar á slaginu 18.30.