Selja Ís­búð Vestur­bæjar innan árs frá kaupum

Í tilkynningu þess efnis á vef Ölgerðarinnar segir að ákveðið hafi verið að setja Ísbúð Vesturbæjar í sölu en ísbúðin sé eitt þekktasta og rótgrónasta vörumerkið á ísmarkaði. 

Með rúman fimmtung markaðarins

Eigandi Ísbúðar Vesturbæjar sé Kjarnavörur, dótturfélag Ölgerðarinnar. Ísbúð Vesturbæjar reki í dag fimm sölustaði á höfuðborgarsvæðinu og hafi yfir 22 prósenta markaðshlutdeild á markaði, sem hafi vaxið um tæp átta prósent frá árinu 2023 til 2024.

100 prósent hlutafjár Ísbúðar Vesturbæjar standi fjárfestum til boða í söluferlinu en óskað sé eftir óskuldbindandi tilboðum fyrir föstudaginn 27. febrúar og skuldbindandi tilboðum föstudaginn 13. mars.

Fylgdi með sósunum

Greint var frá því þann 28. febrúar í fyrra að Ölgerðin hefði samið um kaup á öllu hlutafé áðurnefndra Kjarnavara.

Kjarnavörur eru eitt stærsta framleiðslufyrirtæki landsins í sósum, sultum, grautum og smjörlíki en með í kaupunum fylgdi Ísbúð Vesturbæjar.