Jagland á­kærður fyrir spillingu

Efnahagsbrotadeild norsku lögreglunnar gerði húsleit í íbúð Jagland í Osló, húsi í Risør og sumarbústað í Rauland í Þelamörk, að sögn norska ríkisútvarpsins. Í kjölfari var ákæra gefin út á hendur honum fyrir stófellda spillingu.

„Það eina sem ég hef að segja er að ég er mjög ánægður með að það sé verið að greiða úr málinu,“ sagði Jagland við fréttamenn þegar hann yfirgaf íbúð sína í hádeginu.

Jagland er sakaður um að hafa þegið gjafir og hlunnindi þegar hann var framkvæmdastjóri Evrópuráðsins frá 2009 til 2019. Ráðið samþykkti að svipta hann friðhelgi sem hann naut í krafti fyrrum stöðu sinnar í gær.

Epstein virðist hafa greitt undir fjölskyldu Jaglands

Sakirnar byggja á upplýsingum sem komu fram í skjölum sem bandarísk stjórnvöld birtu um rannsókn sína á Epstein. Jagland átti í samskiptum við Epstein og fjöldskylda Norðmannsins dvaldi meðal annars í húsi Epstein á Flórída á sínum tíma. Það var eftir að Epstein var dæmdur fyrir kynferðisbrot árið 2008.

Á meðal þess sem norska lögreglan rannsakar er hvort að Jagland og fjölskylda hans hafi nýtt sér íbúðir Epstein í París og New York nokkrum sinnum á árunum 2011 til 2018 auk þess að dvelja í villu hans á Pálmaströnd á Flórída.

Epstein virðist hafa greitt fyrir fjölskyldu Jagland í að minnsta kosti einni ferð. Hann bauðst einnig til að greiða kostnað hans við ferð til Karíbahafs sem ekkert varð úr. Þá er Jagland sagður hafa beðið Epstein um hjálpa við að fá bankalán.