Formúla 1

For­múlu 1 ökuþór slapp ó­meiddur frá bíl­slysi

Aron Guðmundsson skrifar
Kimi Antonelli lenti í miður skemmtilegri reynslu nokkrum dögum fyrir fyrstu alvöru prófanirnar fyrir komandi tímabil í Formúlu 1 mótaröðinni
Kimi Antonelli lenti í miður skemmtilegri reynslu nokkrum dögum fyrir fyrstu alvöru prófanirnar fyrir komandi tímabil í Formúlu 1 mótaröðinni Getty/Clive Rose

Ítalinn Kimi Antonelli, ökuþór For­múlu 1 liðs Mercedes, slapp óskaddaður frá bíl­slysi sem hann lenti í skammt frá heimili sínu í San Marínó á laugar­daginn síðastliðinn.

Þetta kemur fram í yfir­lýsingu frá Mercedes fyrr í dag en Antonelli hafði ákveðið að verja síðustu dögunum fyrir fyrstu al­vöru prófanirnar í Bar­ein fyrir komandi tíma­bil í For­múlu 1 mótaröðinni heima hjá sér.

Prófanirnar hefjast í Bar­ein á morgun og mun Kimi taka þátt í þeim en sam­kvæmt yfir­lýsingu Mercedes var bif­reið Antonelli sú eina í um­ræddu slysi og hringdi Ítalinn ungi sjálfur í lög­regluna.

Bif­reiðin er ónýt en það sem mestu máli skiptir er að Antonelli varð ekki fyrir meiðslum og slapp óskaddaður frá at­vikinu.

Akstursíþróttir

Mest lesið


Fleiri fréttir

Sjá meira


×

Mest lesið