„Hún hegðar sér eins og díva“

Leerdam er sigurstrangleg í sinni bestu grein, 1000 metra skautahlaupi, en hún hefur unnið heimsmeistara- og Evrópumeistaratitla í henni og vann silfur í greininni á síðustu Ólympíuleikum í Peking 2022.

„Öllum Hollendingum er farið að mislíka við hegðun hennar,“ sagði Johan Derksen í viðtali við Daily Mail.

Þessi 27 ára skautakona er einn stærsti prófíll íþróttarinnar. En hún er kannski þekktari fyrir lífið utan íssins en afrek sín á honum, en hún er með fimm milljónir fylgjenda á samfélagsmiðlinum Instagram. Samband hennar við heimþekkta YouTube-stjörnu og hnefaleikakappa, Jake Paul, kallar síðan á enn meiri athygli.

Ferðamáti Leerdam á Ólympíuleikana er gagnrýndur í heimalandi hennar, Hollandi. Fyrrverandi atvinnumaður í fótbolta, Johan Derksen, er æfur. Hann er 77 ára og starfar sem íþróttafréttamaður í dag.

„Hún ætti að vilja þetta af eigin hvötum. Hún lifir nú þegar eins og milljónamæringur, með einkaþotum og öllu tilheyrandi. Hegðun hennar er hræðileg að mínu mati, hún hegðar sér eins og díva. Ef ég væri þjálfari hennar myndi ég ekki þola það,“ sagði Derksen.

Derksen dregur ekkert undan í gagnrýni sinni.

Árið 2024 yfirgaf Leerdam stórliðið Jumbo-Visma. Ástæðan var meðal annars sögð vera sú að enginn væri stærri en liðið. Þá fannst þessari 27 ára konu hún knúin til að tjá sig um yfirlýsinguna.

„Ég óska þeim alls hins besta, því ég veit að þeir eru að leita að styrktaraðilum og ég vil ekki vera fyrir. En nú er ég látin líta út eins og einhvers konar díva. Ég er alls ekki díva, ég er sigurvegari. Þeir kenna fordómum um mig,“ sagði Leerdam þá samkvæmt Sportnieuws.

Leerdam keppir í 1000 metra og 500 metra skautahlaupi á Ólympíuleikunum. Mótið hefst fyrir hana á mánudag.