Hvasst syðst á landinu

Þetta kemur fram í textaspá Veðurstofunnar.

Skúrir eða él á stangli suðaustantil og á sunnanverðum Austfjörðum verður megin uppistaðan í þeirri úrkomu sem fellur næstur daga. 

Einhver minniháttar él verða á annesjum fyrir norðan og norðantil á Vestfjörðum, en yfirleitt þurrt og bjart veður í öðrum landshlutum, einkum þú við Faxaflóa og Breiðafjörð. Heldur lækkandi hitastig verður næstu daga.

Búist er við því að þetta veðurlag verði fram yfir helgi hið minnsta.

Veðurhorfur á landinu næstu daga

Á mánudag og þriðjudag:

Austan 8-15 m/s, en 15-20 syðst. Él eða slydduél um landið austanvert og á Vestfjörðum, annars þurrt að mestu. Hiti 0 til 5 stig, en víða vægt frost norðantil.

Á miðvikudag:

Austan og norðaustan 5-13, en 13-18 við suðausturströndina. Bjartviðri vestanlands, en él austantil. Hiti um eða undir frostmarki.

Á fimmtudag:

Norðaustanátt og snjókoma eða rigning með köflum, einkum austanlands. Heldur hlýnandi.

Á föstudag:

Norðaustanátt og stöku él, en léttskýjað suðvestanlands.