Hátt í tíu þúsund manns án at­vinnu í desem­ber

Hlutfall starfandi var 76 prósent í desember, tæplega 221.900 manns. Atvinnuþátttaka var 79,3 prósent, um 231.700 manns á vinnumarkaði samkvæmt tölum Hagstofu Íslands.

Atvinnuleysið jókst um hálft prósentustig í desembermánuði á milli ára. Hlutfall starfandi lækkaði um 1,1 prósentustig og atvinnuþátttaka um 0,7 stig.

Þegar mælingin fyrir desember hafði verið árstíðaleiðrétt mældist atvinnuleysið 4,5 prósent. Hlutfall starfandi var 76,9 prósent og atvinnuþátttaka 80,5 prósent.

Á þann mælikvarða dróst atvinnuleysi saman um 2,7 prósentustig á milli nóvember og desember. Hlutfall starfandi hækkaði um 0,3 prósentustig og atvinnuþátttaka minnkaði um 1,9 stig.