Viðskipti innlent

54 sagt upp í tveimur hóp­upp­sögnum

Atli Ísleifsson skrifar
Unnur Sverrisdóttir er forstjóri Vinnumálastofunar.
Unnur Sverrisdóttir er forstjóri Vinnumálastofunar. Vísir/Einar

Vinnumálastofnun barst alls tvær tilkynningar um hópuppsagnir í desember 2025, þar sem 54 starfsmönnum var sagt upp störfum.

Í tilkynningu á vef stofnunarinnar segir að 27 starfsmönnum hafi verið sagt upp á sviði kvikmyndasýninga og 27 starfsmönnum sagt upp í heildverslun með fisk og fiskiafurðir.

Uppsagnirnar koma flestar til framkvæmda febrúar 2026 - apríl 2026.

Með hópuppsögn er átt við uppsagnir atvinnurekanda á fastráðnum starfsmönnum þar sem fjöldi starfsmanna sem sagt er upp á þrjátíu daga tímabili er að minnsta kosti 10 starfsmenn í fyrirtækjum sem venjulega hafa 21-99 í vinnu, minnst 10% starfsmanna í fyrirtækjum með 100-299 í vinnu eða minnst 30 starfsmenn þar sem venjulega eru 300 eða fleiri.

Alls bárust tvær tilkynningar um hópuppsagnir til Vinnumálastofnunar í nóvember 2025 en þar var samtals 55 starfsmönnum sagt upp störfum. Þar var 38 sagt upp í ferðaþjónustutengdri starfsemi og sautján starfsmönnum hjá fyrirtæki á sviði þjónustu landbúnaðarvéla, vélaverktaka og fleira.

Vinnumarkaður


Mest lesið


Fleiri fréttir

Sjá meira


×

Mest lesið