Erlent

Morðinginn í Brown há­skóla fannst látinn

Gunnar Reynir Valþórsson skrifar
Lík mannsins fannst í borginni Salem í New Hampshire.
Lík mannsins fannst í borginni Salem í New Hampshire. AP Photo/Reba Saldanha

Maður sem grunaður er um að hafa skotið tvo til bana og sært níu til viðbótar í Brown háskólanum á Rhode Island í Bandaríkjunum á dögunum fannst látinn í geymslu í New Hampshire í nótt eftir víðtæka leit löggæsluyfirvald síðustu sex dagana.

Maðurinn er einnig grunaður um morð á prófessor við MIT háskólann í Massachussets sem framið var tveimur dögum eftir skotárásina. Hinn grunaður er portúgalskur ríkisborgari, tæplega fimmtugur að aldri, Claudio Neves Valente að nafni. Hann er talinn hafa svipt sig lífi eftir að hafa framið morðin.

Valente og prófessorinn sem hann myrti voru í sama háskóla í Portúgal á tíunda áratugi síðustu aldar og þá hafði Valente lagt stund á doktorsnám við Brown háskólann árið 2000 til 2001. Enn er á huldu hvað manninum gekk til.

Leitin að morðingjanum hafði vakið gríðarlega athygli í Bandaríkjunum og hafði lögreglan verið gagnrýnd fyrir seinagang í málinu og á tímabili var einn í haldi sem reyndist svo alsaklaus. Fimmtíu þúsund dollarar höfðu verið settir morðingjanum til höfuðs og að lokum komu ábendingar frá almenningi lögreglunni á sporið en sami bíll sást bæði við Brown háskólann og við MIT dagana sem morðin voru framin. 

Skotárásir í Bandaríkjunum Bandaríkin

Tengdar fréttir

Rannsaka tengsl skotárásarinnar við annað morð

Lögreglan í Bandaríkjunum hefur gefið út handtökuskipun á hendur einstaklingi grunaður um skotárás í Brown-háskólanum. Tveir létust í skotárásinni og níu særðust. Til rannsóknar er að skotárásin tengist öðru morði.

Ósátt við lögreglu sem leitar enn morðingjans

Lögregluþjónar vestanhafs leita enn manns sem myrti tvo og særði níu í skotárás í Brown-háskólanum á laugardaginn. Heimamenn í bænum Providence í Rhode Island og nemendur við skólann eru ósáttir vegna slæms öryggisástands í skólanum og yfir viðbrögðum yfirvalda.

Morðinginn í Brown gengur enn laus

Lögreglan í Providence í Rhode Island hefur sleppt manni sem handtekinn var í gær vegna skotárásar í Brown-háskólanum. Tveir létu lífið í árásinni á laugardaginn og níu særðust í árásinni en talið er að morðinginn gangi laus og er útlit fyrir að yfirvöld viti ekki hver hann er.

Íslendingur í Brown-háskóla: Oftast í tímum í sömu stofu og árásin var gerð

Íslenskur nemandi við Brown-háskóla hefði mætt í kennslustund í kvöld í sömu skólastofu og mannskæð skotárás var framin í gær, en hún sækir flesta sína tíma í umræddri stofu. Öll kennsla og lokapróf hafa nú verið felld niður vegna árásarinnar. Hún segir samfélagið í Providence í áfalli og lýsir flótta vinar síns af háskólasvæðinu eftir að hafa heyrt skothvelli frá stofunni.

Mest lesið


Fleiri fréttir

Sjá meira


×

Mest lesið