For­sætis­ráð­herra fer yfir sviðið eftir tæpt ár í starfi

Fyrsti gesturinn að þessu sinni verður Kristrún Frostadóttir, forsætisráðherra. Ríkisstjórn Kristrúnar er nú rétt óorðin eins árs. Hún fer yfir sviðið í stjórnmálunum, efnahagsmálum, alþjóðamálum og fleiru.

Svo kemur Valtýr Sigurðsson, stjórnandi upphafsrannsóknar Geirfinnsmálsins, sem mun bregðast við harkalegum ásökunum í sinn garð sem birtast í bókinni Leitin að Geirfinni. Þar sem hann er sakaður um að hafa hylmt yfir með banamanni Geirfinns frá upphafi til dagsins í dag.

Valur Gunnarsson rithöfundur og Erlingur Erlingsson sagnfræðingur munu síðan ræða utanríkismálin. Rússar herða árásir sínar á Úkraínu beint ofan í tillögur um endalok stríðsins, tillögur sem kosta munu Úkraínumenn land og hluta fullveldis síns ef þær ná fram að ganga. Valur og Erlingur ræða þessi mál og víðari skírskotun þeirra.