Piastri vann sprettkeppnina og dró á Norris

Piastri fékk átta stig fyrir að vinna sprettkeppnina í dag og er með þriggja stiga forskot á heimsmeistarann Max Verstappen í 2. sætinu í keppni ökuþóra.

Norris er með 396 stig á toppnum í heimsmeistarakeppni ökuþóra en Piastri er í 2. sætinu með 374 stig. 

Þar með munar 22 stigum á samherjunum fyrir næstsíðustu keppni tímabilsins á morgun.

Verstappen, sem endaði í 4. sæti í sprettkeppninni, er í 3. sæti með 371 stig. Hann þarf að enda fyrir ofan Norris í keppni morgundagsins til að eiga möguleika á að vinna heimsmeistaratitilinn fimmta árið í röð.

George Russell á Mercedes kom annar í mark í sprettkeppninni. Hann er í 4. sæti í keppni ökuþóra með 301 stig.