Sunna Ben og Andri Freyr héldu „ponsulítið brúð­kaup“

Sunna deildi gleðitíðindunum á Instagram í gær og birti fallegar myndir frá deginum. 

„Á laugardaginn, þann 22.11.25, héldum við Andri minn ponsulítið brúðkaup og það var best ❤️ Takk fyrir okkur!“ skrifaði Sunna við færsluna.

Playmo-fígúrur og Gogo Starr

Þrátt fyrir að um lítið brúðkaup hafi verið að ræða var ljóst að gleðin hafi verið við völd.

Synir hjónanna tóku þátt í veislunni ásamt fjölskyldu og vinum, en auk þeirra mætti dragdrottningin Gogo Starr í sínu fínasta pússi og skemmti viðstöddum.

Á boðstólum voru fallegar kökur, meðal annars þriggja hæða græn brúðarterta með tveimur Playo-fígúrum á toppnum, glæsileg kransakaka, íslenskar pönnukökur og makkarónur.