Í­MARk rýnir í markaðsheim fram­tíðarinnar

Viðburðurinn sameinar þrjá fyrirlesara sem hver um sig varpar ljósi á ólíka, en samtvinnaða þætti markaðsstarfsins.

Hvernig myndbönd ná athygli?

Fyrst á svið stígur Cathrine (Cat) Frederiksen, Content Creation Specialist hjá Digido. Hún fjallar um hvernig skapa má stutt myndefni sem nær athygli og árangri á samfélagsmiðlum. Cat ræðir hvað virkar á TikTok og öðrum miðlum árið 2025, allt frá „hooks“ og formats yfir í SEO í stuttum myndböndum.

Cat hefur síðastliðin fjögur ár unnið að stafrænum vexti eins stærsta ferðaþjónustufyrirtækis landsins þar sem fylgjendahópurinn á samfélagsmiðlum óx yfir tvær milljónir. Í dag aðstoðar hún fyrirtæki við að efla vörumerki sín og miðla skilaboðum á áhrifaríkan hátt.

Gervigreind sem lykilbreyta í markaðsstarfi

Brynjólfur Borgar Jónsson, stofnandi DataLab, sýnir hvernig gervigreind og gagnagreining eru að umbreyta markaðsstarfi og sköpun. Hann fjallar um nýjustu strauma í gervigreind, og hvernig fyrirtæki geta nýtt tæknina til að hámarka árangur, skilja hegðun neytenda og þróa skapandi efni á gagnadrifinn hátt.

Menning í óstöðugu samfélagi

Nick Petrillo er Strategy Director hjá M+C Saatchi í Berlín og Bandaríkjunum. Hann fjallar um hvernig pólitískur, efnahagslegur og tilfinningalegur óstöðugleiki hefur orðið nýtt norm í samfélaginu og hvernig vörumerki geta brugðist við með skapandi nálgun. Fyrirlestur hans ber heitið Cultural Trends in an Era of Sustained Instability og gefur innsýn í hvernig menningarlegar bylgjur geta orðið drifkraftur nýrra tækifæra.

Umræður og tengslamyndun

Að loknum erindum verður stutt spurt-og-svarað og að því loknu happy hour, þar sem gestir geta rætt við fyrirlesara og kollega úr bransanum.

Viðburðurinn er opinn öllum sem hafa áhuga á nýjustu straumum í markaðs- og miðlunarmálum og lofar að vera bæði fræðandi og hvetjandi innsýn í framtíð markaðsstarfs. Hann hefst klukkan 15 og stendur til 16.30 í Grósku þann 30. október.

Hægt er að nálgast miða hér.