Allt á hvolfi í NFL-deildinni

Meistarar Philadelphia Eagles voru ósigrandi afl í upphafi leiktíðar en hafa nú tapað tveimur leikjum í röð. Sömu sögu er að segja af Buffalo Bills sem leit einnig vel út í upphafi leiktíðar.

Sérfræðingar hafa keppst við að afskrifa Kansas City Chiefs en þá stígur liðið upp og vinnur rosalega sigur á Detroit Lions.

Heitustu liðin í deildinni sem stendur eru mjög óvænt New England Patriots, Pittsburgh Steelers, Chicaco Bears og Denver Broncos. Öll þessi lið hafa nú unnið þrjá leiki í röð.

Öll lið hafa tapað leikjum og eina liðið sem hefur ekki unnið leik er NY Jets.

Þessi magnaða umferð helgarinnar verður gerð upp í Lokasókninni á Sýn Sport klukkan 19.45 í kvöld.