Þórunn Elísa­bet og Jón selja í Vestur­bænum

„Álagrandinn okkar er kominn á sölu og það er opið hús á morgun. Hér er gott að búa, frábærir nágrannar og rólegt hverfi á besta stað,“ skrifar Þórunn Elísabet og deilir fasteignaauglýsingunni á samfélagsmiðlum.

Um er að ræða 111 fermetra endaíbúð í húsi sem var byggt árið 1991. Eignin hefur verið mikið endurnýjuð undanfarin ár á smekklegan máta.

Stofa og borðstofa eru samliggjandi í björtu rými með góðum gluggum og ljósu parketi á gólfi. Þaðan er útgengt á rúmgóðar suðvestur svalir.

Eldhúsið er opið að stofu með notalegum borðkrók. Innréttingin er hvít með góðu skápaplássi og borðplötur úr kvartssteini.

Íbúðin skiptist í þrjú góð svefnherbergi og eitt nýlega endurnýjað baðherbergi, flísalagt í hólf og gólf.

Nánari upplýsingar um eignina má nálgast á fasteignavef Vísis.