Sahara og Olís til­nefnd til tvennra al­þjóð­legra verð­launa

„Markmiðið með herferðinni var að skapa virðisaukandi upplifun fyrir viðskiptavini og nýta til þess „gamification“ í markaðsstarfinu. Með þessari nálgun erum við jafnframt að styðja við þá langtímastefnu félagsins að styrkja í sífellu tengingu viðskiptavina við vörumerkið og veita þeim meira en aðeins hefðbundna þjónustu,“ segir Þyrí Dröfn Konráðsdóttir, markaðsstjóri Olís, í tilkynningu um verðlaunin.

Sumarleikurinn stóð yfir frá 14. júní til 21. ágúst og var markhópurinn fólk á aldrinum 18 til 65 ára um allt land. Aðalleikurinn var lukkuhjól sem þátttakendur gátu snúið daglega og fengið vinning. 

Í tilkynningu segir að Playable hafi verið valið sem vettvangur fyrir leikinn og hann var kynntur með blönduðu markaðsefni á bæði innlendum og erlendum miðlum. Leikurinn fékk yfir 260 þúsund skráningar samkvæmt tilkynningu og var leitað að „Sumarleik Olís“ á Google meira en 10 þúsund sinnum á tímabilinu.

Eva Þorsteinsdóttir, viðskiptastjóri og félagi hjá Sahara, segir það þeirra hlutverk að móta og samþætta markaðsaðgerðir.

„Það er lærdómsríkt að skoða árangur herferðarinnar í alþjóðlegu samhengi þeirra sem hljóta tilnefningu til þessara verðlauna og gífurlega hvetjandi fyrir okkar vegferð að bæta sífellt við okkur þekkingu sem styrkir okkur í að skapa enn betri lausnir fyrir viðskiptavini okkar.“

Andreas Fabricius, meðstofnandi og framkvæmdastjóri Playable, segir herferðina dæmi um það hvernig leikjavæðing getur umbreytt upplifun.

„Að sjá herferðina hljóta alþjóðlega viðurkenningu er skýr vitnisburður um sköpunarkraft Sahara og Olís og ánægjulegt að Playable sé hluti af þeirra árangri.“