Nýi maðurinn hetja New­cast­le og skraut­legt sjálfs­mark Leeds

Crystal Palace gerði 0-0 jafntefli við Sunderland og sama niðurstaða varð hjá Everton og Aston Villa.

Fulham og Leeds virtust vera að gera markalaust jafntefli sömuleiðis eða þar til á fjórðu mínútu uppbótartíma þegar Svíinn Gabriel Gudmundsson skoraði býsna laglegt sjálfsmark.

Newcastle vann einnig 1-0 sigur en þar var það nýi framherjinn Nick Woltemade sem skoraði með frábærum skalla á 29. mínútu.

Bournemouth vann svo 2-1 sigur gegn Brighton þar sem Antoine Semenyo lagði upp fyrsta mark leiksins fyrir Alex Scott og skoraði svo sjálfur úr víti á 61. mínútu, eftir að Kaoru Mitoma hafði jafnað metin fyrir Brighton.