Flottasti garður landsins er á Sel­fossi

„Þetta var óvænt og skemmtilegt,“ segir Sólveig en þau hjónin tóku á móti vinningnum um helgina sem er 100.000 kr. inneign hjá Garðheimum.

Flottasti garður landsins árið 2025 stendur við Austurveg 29 á Selfossi en þangað fluttu þau árið 2000. „Þá var ekki stingandi strá hér fyrir utan nokkur birkitré fyrir aftan húsið,“ segir Sólveig. „Við hófum fljótlega framkvæmdir í garðinum eftir að við fluttum inn. Byrjuðum í einu horninu og færðum okkur svo rólega áfram til í garðinum. Uppáhalds staðurinn okkar er portið fyrir aftan húsið en þar höfum við m.a. komið fyrir garðskála. Þetta er sannkölluð paradís.“

Þau hjónin eru einstaklega samstíga í verkefni að sögn Sólveigar. „Ég fáum bæði alls kyns hugmyndirnar varðandi garðinn og svo vinnum við þetta í sameiningu eins og gott lið.“

Hún segir vinninginn eiga eftir að nýtast þeim vel. „Við fórum í Garðheima um helgina og þar sáum við ýmislegt sem getur komið að góðum notum í garðinum. Það tekur smá tíma að melta næstu skref en ég hef engar áhyggjur, vinningurinn á eftir að nýtast mjög vel enda erum við alltaf að bardúsa eitthvað.

Næsta stóra verkefni er svalir að aftan en við byrjuðum á þeim í júlí og verður svo sannarlega gaman að sjá lokaútkomuna. Við viljum að lokum senda þakklæti til allra sem komu að þessum leik.“

„Þáttakan í leiknum var frábær,“ segir Reynir Haraldsson, markaðsfulltrúi hjá Garðheimum. „Þarna voru garðar sem komust ekki í efstu fimm sætin sem voru svo flottir að það væri hægt að rukka inn í á. Hjónin Sólveig og Gísli eru sannarlega vel að sigrinum komin. Þau eru yndisleg hjón og það verður skemmtilegt að sjá hvernig þau nýta vinninginn til að bæta sinn fallega garð enn frekar.”

Garðheimar, Bylgjan og Vísir þakkar öllum sem tóku þátt!