Flóðbylgjuhætta eftir stærðarinnar skjálfta í Rúss­landi

Skjálftinn mældist á um tuttugu kílómetra dýpi og reið yfir í um 150 kílómetra fjarlægð frá borginni Petropavlovsk-Kamchatsky, sem telur um 180 þúsund íbúa. Skjálftarnir urðu á strjálbýlu svæði og engar tilkynningar um mannfall eða slys á fólki hafa borist viðbragðsaðilum. 

Nokkrir minni eftirskjálftar hafa mælst í kjölfarið, að því er kemur fram í frétt AP. 

Almannavarnir í Rússlandi vara við allt að sextíu sentímetra öldum nærri ströndum Aleutsky héraðsins á Commander-eyjum og biðla til íbúa að halda sig fjarri ströndinni.