Ný kirkju­hand­bók og kaldar kveðjur til ferða­þjónustunnar

Sigríður Guðmarsdóttir, prófessor í Hagnýtri guðfræði ræðir nýja handbók kirkjunnar, breytingar á tungutaki í henni, sálma á erlendum tungumálum í sálmabókum kirkjunnar og átök um eignarhald á kristninni hérlendis og víðar um heim.

Svandís Svavarsdóttir formaður VG, Dagur B. Eggertsson alþingismaður og Erlingur Erlingsson, hernaðarsagnfræðingur, ræða sögulegan fund Nató í Haag í síðustu viku þar sem samþykkt var gríðarleg útgjaldaaukning til hernaðaruppbyggingar í Nató-löndunum, þ.m.t. allri Evrópu.

Halla Gunnarsdóttir formaður VR og Sigríður Margrét Oddsdóttir framkvæmdastjóri SA ræða nýjar verðbólgutölur og áhrif þeirra - áfall segir Halla fyrir langtíma kjarasamninga, fyrirtæki verði að halda að sér höndunum um hækkun vöruverðs og ljóst þykir að vaxtalækkanir verða engar á meðan staðan er þessi.

Pétur Óskarsson formaður SAF ræðir það sem hann kallar kaldar kveðjur forsætisráðherra til ferðaþjónustunnar. SAF stjórnin er ósátt við forsætisráðherrann og segir neikvæðni hennar í garð vaxtar í ferðaþjónustu valda miklum áhyggjum.