Fótbolti

Real rústaði Salzburg og vann riðilinn

Ágúst Orri Arnarson skrifar
Vinicius Junior skoraði opnunarmarkið og var valinn maður leiksins.
Vinicius Junior skoraði opnunarmarkið og var valinn maður leiksins. Francois Nel/Getty Images

Real Madrid vann afar öruggan 3-0 sigur gegn RB Salzburg í lokaleik riðlakeppninnar á heimsmeistaramóti félagsliða, endaði þar af leiðandi í efsta sæti H-riðilsins og mætir Juventus í sextán liða úrslitum.

Vinicius Jr. braut ísinn eftir skyndisókn á fertugustu mínútu og Federico Valverde bætti við í uppbótartíma fyrri hálfleiks. Gonzalo García innsiglaði svo sigurinn með þriðja markinu undir lok leiks. Mörkin og helstu atvik leiksins má sjá hér fyrir neðan.

Sigurinn setti Real Madrid í efsta sæti H-riðilsins með sjö stig en Salzburg er úr leik eftir að hafa aðeins safnað fjórum stigum. Al-Hilal endaði í öðru sæti með fimm stig eftir 2-0 sigur í nótt gegn Pachuca, sem endaði stigalaust í neðsta sæti.

Real Madrid mun því mæta Juventus í sextán liða úrslitum en Al-Hilal mætir Manchester City, sem vann Juventus og riðilinn í gærkvöldi.

HM félagsliða í fótbolta 2025

Mest lesið


Fleiri fréttir

Sjá meira


×

Mest lesið